Atletico Madridi është rikthyer nga disavantazhi për ta mposhtur Milanin në San Siro (2-1), ndërkohë që vendasit pjesën më të madhe të ndeshjes e zhvilluan me një lojtar më pak në fushë.

Rossonerët shënuan një gol të bukur përmes Rafael Leao (20′), i cili pranoi një top nga Brahim Diaz dhe reagoi për mrekulli duke dërguar topin në rrjetë.

Mirëpo, dy kartonë të verdhë të Franck Kessie në pjesën e parë, bënë që vendasit të mbetnin me një lojtar më pak fushë që nga minuta e 29-të.

Skuadra spanjolle ishte në kërkim të golit të barazimit, porse Leao dhuroi spektakël me një goditje akrobatike që u përplas në shtyllë.

Inferioriteti numerik në fushë ndikoi në rënien e nikoqirëve në pjesën e dytë, ndërsa Los Rojiblancos ishin vazhdimisht në kërkim të golit dhe ia dolën të realizonin dy herë.

Fillimisht, rezultati u barazua nga Antoine Griezmann (84’) dhe pastaj Luis Suarez e shënoi golin e fitores nga penalltia (90’+7).

Atletico Madridi ka katër pikë në Grupin B dhe ndodhet në vend të dytë, kurse lider është Liverpooli me gjashtë pikë. Milani është pa pikë në fund të grupit./telegrafi

RAFAEL LEAO’S FIRST CHAMPIONS LEAGUE GOAL!

Milan 1-0 Atletico | 20′ #UCL https://t.co/TD9dJQnVjB

— Ronald Morgan (@ronaldmorgan_) September 28, 2021

#AtleticoMadrid #UCL #MilanAtletico
AC Milan 1 – [1] Atletico Madrid | GOAL! Antoine Griezmann

Follow me to never miss any goal highlights.
https://t.co/8CFgVlG7rc

— Ronard Addo (@ronard_addo) September 28, 2021